menna.mostafa324's Notizen, 29 Okt 18

جربي الكوب  

صحيح الكوب والملعقة ممكن يساعدوكي لكن خدي بالك ملعقة العسل مثلا يكون سايح وتقريبا ممسوحة مش جبل عسل ممكن كمان تعرفي الكيلو من الحاجة وانتي بتشتريه كام قطعة وبالتالي تقدري وزن القطعة نسبيا بقسمة ألف غرام على عدد القطع 

لازم ميزان 

بصراحه شو ما حاولتي ما راح يكون الموضوع دقيق زي الميزان ميزان المطبخ مش غالي وكمان موجود بمحلات الأدوات المنزليه 😊 

لا ما انا لسا صغيره في السن ع اني اشتري ميزان 

طب المعلقه من اي حاجه تعمل كام جرام مثلا 

ليه مهم لهذه الدرجة؟؟ الموضوع مش مستاهل و لا ايه؟؟ 

ميزان النطبخ ب 50 جنيه علي سوق دوت كوم. بالنسبة للتقدير بالمعلقه، فهتحتاج تحغظ شوية ارقام، زي مثلا معلقة الشاي 10 جرام سكر او 14 جرام عسل او 7 جرام بن او شيكولاته و معلقة الاكل مثلا 8 جرام شوفان و حاجه و تلاتين جرام رز و هكذا. السوايل هي اللي ممكن معايرتها بمج مثلا زي 200 مل لبن في 2/3 المج تقريبا. قطعة القريش الستين جرام قد كوباية الشاي الخمسينه كدا، و فيه اكلات كتير ع الابلكيشن هنا بيحسب بالمعلقه عادي، هتلاقي tsp يعني معلقة الشاي و tbsp معلقة الاكل و هكذا  

انا لسه جايبه الميزان من سوق دوت كوم حلو وخفيف وعملى  

شكرا على المعلومة،هاشتريه ان شاء الله. بس لسه كش فاهمة انتوا ليه مدققين قوي كده😇😇 

batates مدققين لأن معظمنا وزنه كبير أو كان وزنه كبير وعانى لحد ما نزل فالميزان أحد أسلحتنا الاسترتيجية في هذه الحياة الصعبة 😂😂 

غالبا مش قادرة ادرك هذه الحقيقة !! غندي قناعة ان اصلا السعرات الحرارية نفسها مش سهل تلاقيها مظبوطة جدا،زي التشيكن سيزر سالاد،معاك من 660-1200 .بس انا كنت بفكر اجيبه من ايام ال PBD فغالبا هاجيبه ان شاء الله👍 

معاكي حق بالنسبة للأكل الجاهز لكن معظمنا وصل لمرحلة إننا بنحسب الأكل من مكوناته الخام لكن القاعدة انك لو وزنك بينزل اللي انتي متوقعاه يبقى حساباتك قريبة من الصح الفكرة في حساب السعرات هي انك ماتكونيش بتكلي أكتر من الكمية المطلوبة بكتير فيضيع مجهودك ولا أقل بكتير فصحتك تتأثر ووزنك يثبت ويضيع مجهودك 

👍 بس حتى لو حسبنا الاكل من المكونات الخام طرقة الطخى بتفرق و بتزود.سعرات مش في الحسبان،زي الرز او المكرونة. الحام حاجة و لو معاه اي فات حاجة تانية،و كمان لو منةغير فات،مجرد الروستينج و التعرض للنار بسزود سعرات الحاحة،فدخ برضو مش سهل نعرفه! و لا انتوا بتحسبوها ازاي؟؟ بس في الاغلب اكيد عندي مشكلة في حساب الحاجة او جسمي بيثبت بسهولة. مش متاكده،على الرغم اني مشيت مع دكاترة كتير و لكن الساتيريشين عندي شنيع. عشان كده هاعمل الفكرة اللي قلت عليها،تغيير السعرات و العب في الرينج و اجرب.  

زي بالظبط كوباية النسكافيه،اللي مفيش مصدرين متفقين على كم كالوري فيها.  

المكونات الخام تشمل كل شيء ومنها الزبدة والزيت والسمنة وفصل السيمن عن اللحمة الحمراء وحساب جلد الدجاج لو هتاكليه والنسكافيه بن وسكر ومبيض وأي إضافات في النهاية حتى لو حصل تركيز للطعام فالطاقة لا تستحدث ولا تنشأ من عدم يعني انتي حطتي مكونات إجماليها ألف سعر هتفضل ألف في النهاية لأن الماكروز مش هتتغير كتير واللي هيتغير بس وزن أو حجم الطعام بسبب تبخر أو تشبع الماء لكن اللي بيتأثر فعلا الميكروز زي الفيتامينات وفي النهاية أصلا طريقة حساب السعرات في الأكل بتعتمد على حساب متوسط الطاقة الناتجة عنه عند حرقه يعني كلها متوسطات للاسترشاد علشان تبقي عارفة انتي في الاتجاه الصح ولا لأ 

كلامك صح،بس انا كنت اقصد زي القهوة،البن الخام مفيهوش كالوريز تقرببا بس بمجرد اي اضافات بيروح لارقام تانية خالص،باقصد القهوة في حد ذاتها كخام من غير حتى اضافة كالوريز الحاجات التانية،فممكن تحسبها ب زيرو كالوري و هيا لوحدها 40 كالوري او اكتر ، فعشان كده مش عارفة الميزان كمرحلة هتفرق ازاي. بس هجيبه ان شاء الله برضو. ممكن اوصل للمرحلة دي😊